Ս. Վալենտինի այս տարվա բացիկը

DSCF3079Հին ավանդույթները շարունակվում են, ու ես ես չէի լինի, եթե Վալենտինի օրվա առթիվ ինձ մի նվեր չանեի կամ որևէ մեկի գլխին օյին չդնեի: Ճիշտը որ ասեմ, էս տարի մտքիցս թռել էր, բայց կոնկրետ մարդու գլխին օյին դնելու մտադրություն էսպես թե էնպես ունեի, ու քանի որ օրերը համընկան, որոշեցի երկու ձեռքով մի նապաստակ խփել:

Ուրեմն Խրոնինգենի տանտիրուհիս բացի կպչուն-սևեռուն լինելուց նաև պարանոյիկ ինչ-որ գծեր ունի, ու երբ նկատեց, որ ես մեծ քանակությամբ բացիկներ եմ ստանում, ասաց, որ դա իր privacy-ի ոտնահարում է, որ չի ուզում, որ անծանոթ մարդիկ իր հասցեն իմանան և այլն: Մի քանի օր հետո էլ կանչեց առանձին խոսելու: Դու մի ասա՝ մտածել էր, թե հասցեն բաց-բրախ ինտերնետում ինչ-որ տեղ դրել էի: Ես նրան հանգստացրի ու բացատրեցի, որ էդպիսի բան չկա, որ փոսթքրոսինգի համակարգը շատ ապահով է, բայց ամեն դեպքում, քանի որ դուրը չի եկել, ես ինակտիվացրել եմ իմ հաշիվը:

Թեթևացած շունչ քաշեց, բայց դե ես նրան էդպես հանգիստ թողնողը չէի: Դրա համար որոշեցի օյին դնել:

Ս. Վալենտինի օրն իմ ամենասիրած մարդու՝ ինձ հետ նստեցի գնացք ու մեկնեցի ռոմանտիկ ճամփորդության դեպի գողտրիկ Դելֆտ, ռոմանտիկ զբոսանքից հետո նստեցի մի սրճարանում ու սկսեցի բացիկներ գրել: Մեկն ուղարկելու էի ընկերուհուս, ուղղակի «ողջույններ Դելֆտից» տեքստով, իսկ մյուսին իմ հասցեն էի գրել: Չէ, հո գիժ չէի՞ տանտիրուհուս ուղարկեմ: Հասցեագրեցի ինքս ինձ, ճոխ-ճոխ հայերեն տեքստ գրեցի, սրտիկ-մրտիկ նկարեցի ու գցեցի փոստարկղը: Այ էդպես, տանտիրուհիս կտնտղի, փոսթքրոսինգի կոդ չի գտնի վրան, տեքստը չի հասկանա, չի իմանա՝ ծանոթի՞ց է, թե՞ անծանոթից:

Էսօր ստացա բացիկը: Տանտիրուհուս աչքի առաջ սկսեցի կարդալով, քթիս տակ ծիծաղելով աստիճաններով բարձրացա իմ սենյակ: Էդպես էլ չհասկացա՝ ինչ մտածեց, բայց ամեն դեպքում հաճելի էր Վալենտինի օրվա առթիվ բացիկ ստանալը, թեկուզ ինձնից:

Հ.Գ. Թորին իմ ծածկանունն ա ջահել ժամանակներից մնացած, իսկ Սխեֆենինգենում իսկապես եղել եմ 2009-ին ու իսկապես չեմ հասցրել բացիկ առնել:

8 thoughts on “Ս. Վալենտինի այս տարվա բացիկը

  1. Վերջը դու դա արեցիր 😀
    Բյուր, ես արդեն զգում եմ, թե ով ա գրավելու շեղաչի տեղը 😀

    1. Ռիփ, իզուր մի զգա, ինքն ընդհանուր առմամբ շատ լավն ա 🙂 Նենց մի տեսակ իրան սիրում եմ, իրա կպչուն-սևեռունության հետ էլ հաշտվել եմ: Ուղղակի որ ինձ իմ սիրած զբաղմունքից զրկեց, ասեցի մի քիչ գժվացնեմ :))

      ________________________________

      1. Բայց շատ խոխմն ա էս պատմությունը, ոնց որ կինոյից լինի՝ շատ հավես կերպարներով 😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s