Ուրբաթ գիշերվա համար փաբը դատարկ էր։ Գայանեն մի հայացք գցեց տարածքին և, չնայած բոլոր սեղաններն ազատ էին, մոտեցավ բարին։ Մեկ էլ Նորայի ամուսինն էր բարի մոտ՝ ընկերոջ հետ։ Նորայի ամուսնու կողքի աթոռը դատարկ թողեց ու տեղավորվեց հաջորդին։
— Սովորականի պես առանց ալկոհոլի՞,- հարցրեց Նորան։
— Էսօր հարբելու եմ,- ասաց Գայանեն։
— Առիթ կա՞։
— Քառասուն եմ դառնում։
— Դրանի՞ց էլ լավ առիթ։ Ի՞նչ կխմես։
— Արի թեթև սկսենք։ Լագեր։ Էս, որ նոր եք ստացել։
Նորան մաքուր գավաթ վերցրեց, մոտեցրեց լագերի պիտակով ծորակին, լցրեց, դրեց Գայանեի դիմաց։
— Յոնասը չի՞ գալու։
— Կգա, սպասում եմ, գործ ուներ։
Կարուսել 