Կարուսել

Ոչ վե՛րջ կա, ոչ ըսկի՛զբ այս երգում

Պատմություն 3. իմ մանկությունից

on May 30, 2013

BISPՄինչ պատմությունս պատմելը, մի հարց տամ. դուք հետևու՞մ եք մյուսներին, թե՞ ես էստեղ նստած մենակ-մենակ եմ վայելում բոլորի պատմությունները: Կուզե՞ք էն գլխավոր թեմայում անընդհատ նոր պատմությունների հղումներ ավելացնեմ, թե՞ դուք ինքնուրույն հետևում եք:

Հա, ուրեմն մանկություն… Ընդհանրապես, իմ մանկությունը երկու խիստ անհավասար կեսերի է բաժանվում. մինչև Պրահան ու Պրահան: Դրանից հետո, թեև Հայաստան վերադարձանք, երբ դեռ տասը տարեկան էի, մտա երկարատև ադապտացիայի փուլ, ու մի տեսակ ինչ հիշում եմ, ավելի շատ դեռահասային է թվում, քան մանկական:

Իսկ Պրահա մեկնեցինք, երբ դեռ ինը տարեկան չկայի: Երկու տարի էլ չի տևել մեր էնտեղ ապրելը, բայց մինչև հիմա էլ համոզված եմ, որ հենց էդ ժամանակն էր պատճառը (դե երևի մի քիչ էլ գեները, եսի՞մ), որ ես դարձա տարբեր ու շատ երկար ժամանակ չէի մերվում հայկական իրականության հետ: Լավ, սա ուրիշ թեմա է, թողնենք հետոյի, անցնենք մանկությանը: Պրահայի մանկությանը: Մի քանի պուճուր-մուճուր բան կպատմեմ:

Էնտեղ մենք բրիտանական դպրոցում էինք սովորում, որի աշակերտներն աշխարհի ամենատարբեր երկրներից էին: Հիշում եմ՝ երկար դասամիջոցներին տղաները ֆուտբոլ էին խաղում: Մի օր աղջիկներն էլ միացան, ու ոչ ոք չասեց՝ ֆուտբոլն աղջկա բան չէ: Էնտեղ մենք հավասար էինք: Ու կարճ ժամանակ հետո աղջիկներն էլ սկսեցին գոլեր խփել: Հա՛, մի հատ էլ էստոնացի Ռիվո ունեինք, մեր դասարանից էր: Հենց պարտվում էր իր թիմը, լացում էր:

Մենք կրտսեր դպրոցի ամենաավագ դասարանն էինք, դրա համար մեզ «ծանր» էինք պահում: Մեր դասասենյակը միակն էր, որ առաջին հարկում էր: Ասենք, դասասենյակ էլ չէր, գրադարանն էր, բայց որովհետև մենք «մեծ» էինք, շատ մեծ տարածքի կարիք չունեինք, էնտեղ էին խցկել: Բայց դե ճաշի ընդմիջմանը բոլորը մի տեղում էին հավաքվում երկրորդ հարկում (կարծեմ մեր նախկին դասասենյակն էր, որը մեծահոգաբար զիջել էինք մանկապարտեզին): Մեկ էլ մի Թոմ կար մեր դասարանում: Բելգիացի, թմբլիկ տղա էր: Ինքն ինձ համոզում էր, որ դասամիջոցներին մնանք առաջին հարկում՝ մեր դասարանում: Ես էլ սուսուփուս լսում էի նրան: Էս մեր դասարանցիները սկսել էին բամբասել, թե Թոմն ինձ է սիրահարվել: Վերջը էդ շշուկներն ինձ էլ հասան: Դրանից հետո ամաչեցի ճաշի ժամին ներքևում Թոմի հետ մնալ: Էշ խելքս ասեք:

Բոսնիայից մի աղջիկ կար, անունը՝ Սելմա: Հետը ահագին մոտիկ էի: Մի անգամ առավոտյան հանդիպման ժամանակ ականջիս շշնջաց.
– Դու ի՞նչ կրոն ունես:
– Քրիստոնյա եմ:
Դեմքը մռայլվեց: Ես էլ իրեն նույն հարցը տվեցի: Ասաց, որ մահմեդական է: Էն ժամանակ շատ չէինք հասկանում կրոնների տարբերությունները, բայց հասկացանք, որ ինչ-որ բան էն չէ, համատեղելի չէ: Այնուամենայնիվ, ֆուտբոլ խաղալիս, միասին նույն Աստծուն էինք աղոթում, որ պենալը գոլ լինի: Սելման Քեմբրիջ գնաց:

Մեկ էլ մեր դասարանում մի հայ աղջիկ կար, անունը՝ Դիանա: Սկզբում հետը լավ մոտիկ էի: Ինքը դեռ անգլերեն չգիտեր, դասամիջոցներին հետը հայերեն էի խոսում (դասի ժամանակ արգելված էր): Բայց հենց մի քիչ անգլերեն սովորեց, իր համար ընկերներ ճարեց, էդպես սկսեցինք մանրից ավելի քիչ շփվել: Երբ արդեն պիտի Հայաստան գայինք, մամաս խոսքի մեջ ասել էր, որ անգլիական դպրոց ենք գնալու, ես էլ ոգևորվել էի դրանից. երևի միակ ոգևորիչ բանն էր Հայաստան գալու հետ կապված: Իբր Դիանային ջիջիլ գցելու համար մի անգամ ասացի.
– Մենք որ գնանք Հայաստան, անգլիական դպրոց ենք գնալու: Իսկ դու ի՞նչ դպրոց ես գնալու, որ գնաս Հայաստան:
– Մենք երբեք Հայաստան չենք գնալու,- պատասխանեց:
Ու իմ մանկական ուղեղը հասկացավ, որ էդտեղ ինչ-որ բան սխալ է: Իսկ թե ինչը, մինչև հիմա չեմ կարողանում պատասխանը գտնել:

Advertisements

3 responses to “Պատմություն 3. իմ մանկությունից

  1. Աննա says:

    Բյուր ջան, ում որ գիտեմ՝ հետևում եմ, բայց շատ չեն: Եթե դժվար չի՝ հղումներն ավելացրու: Թեմաները հետաքրքիր են, ուզում եմ շատերին լսել ))

    • byurie says:

      օկ, ուրեմն էս շաբաթ-կիրակի կզբաղվեմ էդ հարցում: հա՛, խառն ա, որովհետև մի մասը վպ-ում են, մի մասը կմ-ում, մի մասն էլ բլոգսփոթում: ուրեմն բոլորին մի տեղ կհավաքեմ:

  2. Աննա says:

    Հա, շատ լավ կլինի: Ապրես!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: